BENVIGNÛTS A CJAMPFUARMIT
Cjampfuarmit al è un dai pôcs comuns de provincie di Udin che al à regjistrât, tai ultins agns, une marcade incressite demografiche: la popolazion, tal zîr di vincj agns, è je passade di cinc mil a siet mil abitants.
Chest al è un segn che il teritori, logât a soreli a mont di Udin, al à dât il bon acet a centenârs di personis che a vevin voie di fâ sù la lôr cjase fûr de citt, intun ambient just e adat a contentâ lis dibisugnis di vuê di un mût di vivi plui uman e naturâl.
La Aministrazion comunâl e à cirût une vore e in maniere juste di impegnâsi a secondà chestis domandis cul programâ un ûs valevul dal teritori e cul realizâ zonis verdis viertis al public, tant che il Parc comunâl dal Cormôr e la “boschete furlane”. Il prin si cjate a contat cu lis frazions di Vile Primevere e Basandiele, il secont a confin jenfri i abitâts di Cjampfuarmit e Bresse.
Cun di plui ducj i servizis comunâi a son stâts pensâts e stabilîts daûr chei criteris che, biel che a semplifichin un rapuart cu lis istituzions, a judin a miorâ la cualitât de vite.

IL SINDIC
dott. Andrea Zuliani