Anagrafe e Ufici eletorâl
UFICI STÂT CIVÎL (par furlan)
Chest ufici si ocupe de regjistrazion di ducj i events che a tocjin il status des personis, tant che la nassite, il matrimoni, la muart e la citadinance, e ancje de esecuzion des formalitâts relativis aes publicazions di matrimoni. L'Ufici al consegne i certificâts, i estrats e lis copiis integrâls dai ats mediesims.
UFICI ANAGRAFE (par furlan)
In ogni Comun a esistin dôs Anagrafis distintis: la Anagrafe de Popolazion Resident e la Anagrafe dai Talians Residents al Forest (A.T.R.F.).
La Anagrafe de Popolazion Resident e regjistre i abitants residents intal Comun e dutis lis variazions seguitivis che si verifichin inte popolazion stesse. Invezit la Anagrafe dai Talians Residents al Forest si ocupe dai citadins talians al forest.
- Viôt lis AUTOCERTIFICAZIONS (par furlan)
UFICI ELETORÂL (par furlan)
L'Ufici Eletorâl si ocupe:
- de tignude e dal inzornament des listis eletorâls dai citadins che a son residents intal Comun;
- de tignude e dal inzornament des listis in zonte dai citadins de Union Europeane;
- de consegne dai documents e dai certificâts pal esercizi dal dirit di vôt;
- de organizazion e di ogni altri adempiment relatîf aes consultazions eletorâls;
- de tignude e dal inzornament de Liste dai Scrutinadôrs di Seç;
- de tignude e dal inzornament de Liste dai Presidents di Seç;
- de tignude e dal inzornament des Listis dai Judiçs Popolârs.
UFICI SERVIZI DI JEVE E CIVÎL NAZIONÂL (par furlan)
L'Ufici Comunâl pal Servizi di Jeve al publiche il prin di Fevrâr di ogni an, sul Cuadri Pretori dal Comun, la liste di ducj chei che a scuegnin jessi iscrits intes Listis di Jeve.
I recuisîts par jessi iscrits a son:
- compiment dal diesim setim an di etât intal an in cors;
- jessi resident intal Comun o pûr jessi iscrit ae Anagrafe dai Talians Residents tal Forest dal Comun;
- jessi nassût intal Comun e no jessi iscrit pal Servizi di Jeve in altris puescj;
- jessi nassût tal forest, cun at di nassite trascrit intal Comun, e no jessi iscrit pal Servizi di Jeve in altris puescj.
Chei che no aderissin al Servizi di Jeve a puedin presentâ un progjet pal Servizi Civîl.
A puedin presentâ domande i citadins talians che a vebin plui di 18 agns e no plui di 28 agns (o ben 27 agns e 364 dîs) al at de scjadince di ogni bant, e che no vebin mai prestât servizi civîl volontari.
LISTE DAI JUDIÇS POPOLÂRS (par furlan)
E je la liste des personis adatis al ufici di Judiç Popolâr li de Cort di Assise di prin e di secont grât, che e je costituide dai nominatîfs dai citadins che a risultin in possès dai recuisîts che la leç e domande. La iscrizion e dure fint ae scancelazion di ufici par pierdite dai recuisîts che a son prescrits de leç.
