Comun di Cjampfuarmit - document

Impueste comunâl sui imobii

Il Regolament de Impueste Comunâl sui Imobii (par furlan)

Par vie dal Decret Leç dai 27 di Mai dal 2008 n. 93, si comuniche che l'Impueste Comunâl sui Imobii dovude pe abitazion principâl e sôs partignincis e je stade abrogade cun scjadence dal prin di Zenâr dal 2008. A restin fûr dal tai de impueste, e duncje a pain l'Impueste Comunâl sui Imobii tant che i agns passâts, vilis (categorie A/8), cjistiei e palaçs di grant valôr artistic o storic (categorie A/9) e abitazions signorîi (categorie A/1). Par chescj ultins imobii e reste la detrazion di base di €. 103,29. La stesse detrazion e reste ancje pe unitât imobiliâr possedude in Italie, a titul di proprietât o usufrut, dai citadins italians non residents intal Paîs, a cundizion che no risulti fitât.
La disposizion e precise che l'esenzion totâl de Impueste Comunâl sui Imobii si apliche ancje ae cjase coniugâl dal sogjet no assegnatari a cause di separazion legâl, anulament, dissiolziment o cessazion dai efiets dal matrimoni e aes unitâts imobiliârs di cooperativis ediliziis a proprietât indivisibil, che a son destinadis a jessi abitazion principâl dai socis assegnataris, ai alozaments regolarmentri assegnâts dai istitûts autonoms pes cjasis popolârs e dai ents di edilizie residenziâl publiche che a àn la stesse finalitât.La esenzion si apliche ancje aes abitazions che il Comun al à assimilât a chês principâls:

a) su la fonde dal articul 3, come 56, de Leç n. 662 dal 1996 che al permet di assimilâ ae abitazion principâl l'unitât imobiliâr possedude a titul di proprietât o di usufrut, di anzians o di disabii che a ricevin la residence in istitût di ricovar o sanitaris par cause di ricovar permanent, a condizion che la abitazion no risulti fitade;
b) su la fonde dal articul 59, come 1, letare e) dal Decret Legjislatîf n. 446 dal 1997 che al da ai ents locâi la pussibilitât di assimilâ ae abitazion principâl chês concedudis in ûs gratuit a parincj in linie rete o colaterâl, stabilint il grât di parentele.

Si precise duncje che i terens agricui, lis areis fabricabilis e i imobii che no son abitazions principâls a pain la Impueste Comunâl sui Imobii cu lis stessis modalitâts dai agns passâts.

CUANT CHE SI SCUEN PRESENTÂ LA DECLARAZION

La declarazion ai efiets de Impueste Comunâl sui Imobii e dovarà jessi presentade pai adempiments atualmentri previodûts in materie di riduzion de impueste e intai câs dulà che lis modificazions sogjetivis e ogjetivis, che a dan lûc a une divierse determinazion dai impuarts dovûts, a dipendin dai ats dulà che no son aplicabii lis proceduris telematichis previodudis dal art. 3 bis dal Decret Legjislatîf dai 18/12/1997 n. 463, relatîf ae dissipline dal model unic informatic.

La declarazion pe Impueste Comunâl sui Imobii si scuen presentâ cuant che:

• I IMOBII A GJOLDIN DI UNE RIDUZION DE IMPUESTE.
I câs in cuistion a son chei previodûts dal come 1 dal art. 8 e dal seguitîf art. 9 dal Decret Legjislatîf n. 504 dal 1992, che a son relatîfs:

– i fabricâts declarâts no agjibii o no abitabii e di fat no doprabii.

Bisugne fâ atenzion al fat che par podê aplicâ la riduzion de impueste al 50% par i fabricâts al è necessari che a sein presints intal stes la no agjibilitât o la no abitabilitât e la assence di utlizazion. Si precise, cun di plui, che la no agjibilitât o la no abitabilitât a scuegnin consisti intun degrât fisic evident (fabricât dirocât, periculant, darot), che nol è superabil cun intervents di manutenzion ordenarie o straordenarie. La no agjibilitât o la no abitabilitât e ven ricognossude dal ufici tecnic comunâl cuntune perizie a caric dal proprietari. In alternative, il contribuent al pues presentâ une declarazion sostitutive daûr dal Decret dal President de Republiche dai 28 di Dicembar dal 2000, n. 445. In ducj i doi i câs la aplicazion de agjevolazion e comence dal moment che lis proceduris a son stadis ativadis, e ae declarazion e scuen jessi zontade une documentazion a pueste.
In ogni câs al bisugne precisâ che il comun, intal esercizi de proprie potestât regolamentâr, al pues stabilî modalitâts gnovis di atestazion di cheste cundizion;

– i terens agricui che a son proprietât di coltivadôrs direts o di imprenditôrs agricui a titul principâl, e che a son puartâts indevant dai midiesims.

A rientrin in cheste tipologjie i imobii e lis areis fabricabilis, che a son di proprietât e a son puartadis indevant dai sogjets soredits, dulà che al continue l'implei agri-silvi-pastorâl midiant l’esercizi di ativitât direte ae coltivazion dal font, ae silviculture, ae culture dai foncs e al arlevament dai animâi.
La riduzion e ven declarade sei intal câs che si compri e sei in chel che si pierdi il dirit relatîf;

• I IMOBII A SON STÂTS OGJET DI ATS CHE NO ÀN DOPRÂT IL MODEL UNIC INFORMATIC.

Si trate in particolâr dai:

– imobii ogjet di ats notarîi formâts o autenticâts prime dal 1 di Jugn dal 2007 che a scuegnin doprâ, par fuarce, il Modul Unic Informatic nome di chê date.
Si trate dai ats seguitîfs:

• assegnazion divisionâl a cont di une future division;

• conferme (cuant che al è previodût di leçs speciâls);

• cession di bens ai creditôrs;

• cession di dirits reâi a titul gratuit;

• convenzions matrimoniâi;

• costituzion di dirits reâi a titul gratuit;

• costituzion di fondazions;

• costituzion di font patrimoniâl;

• divisions;

• donazions;

• permute;

• prestazion in lûc dal adempiment cun trasferiment di dirits daûr dal art. 1197 dal Codiç Civîl;

• cuietance con trasferiment di proprietât;

• retrocession;

• ricognizion dai dirits reâi daûr dai articui 177 e 178 dal Codiç Civîl;

• ricognossiment di proprietât daûr dai articui 2653, n. 5 e 2944 dal Codiç Civîl;

• rinuncie di lassit;

• acuist dilassit;

• costituzion di font patrimoniâl par testament.

Si scuen, cun di plui, presentâ la declarazion pe Impueste Comunâl sui Imobii intai câs dulà che il comun nol è, in ogni câs, in possès des informazions necessariis par verificâ l'adempiment coret de obligazion tributarie.

I câs in cuistion plui significatîfs a son i seguitîfs:

• l’imobil al è stât ogjet di locazion finanziarie;

• l’imobil al è stât ogjet di un at di concession aministrative su areis demaniâls;

• l’at costitutîf, modificatîf o traslatîf dal dirit al à vût a ogjet une aree fabricabil. In chescj câs, ancje se il dât relatîf ae variazion catasticâl al è fruibil dal comun, in ogni câs la informazion relative al valôr de aree e scuen jessi declarade dal contribuent, tant che a scuegnin jessi declaradis lis variazions dal valôr de aree intervignudis dopo, dal moment che chescj elements no son presints inte bancje dâts catasticâl.
No scuen, invezit, jessi presentade la declarazion de Impueste Comunâl sui Imobii intal câs di alienazion di une aree fabricabil, baste che nol sei mudât il so valôr in comun cumierç rispiet a chel declarât in precedence;

• il teren agricul al è deventât aree fabricabil o vicevierse;

• la aree e je divignude edificabil dopo la demolizion dal fabricât;

• l'imobil al è assegnât al soci de cooperative edilizie (no a proprietât indivisibil), in vie provisorie;

• l’imobil al è assegnât al soci de cooperative edilizie a proprietât indivisibil o pûr e je variade la destinazion a abitazion principâl dal alozament.
Chest al capite, par esempli, intal câs di prime assegnazion o pûr intal câs che l’alozament in cuestion nol sei doprât o nol se destinât a abitazion principâl par une part dal an;

• l’imobil al è stât concedût in locazion dai Istitûts Autonoms pes Cjasis Popolârs (IACP) e dai ents di edilizie residenziâl publiche che a àn la stesse finalitât, istituîts in atuazion dal art. 93 dal Decret dal President de Republiche dai 24 di Lui dal 1977, n. 616.
Chest al capite, par esempli, intal câs di prime assegnazion o pûr intal câs che l’alozament in cuestion nol sei doprât o nol se destinât a abitazion principâl par une part dal an;

• l’imobil al à pierdût o pûr al à acuistât il dirit ae esenzion o ae esclusion de Impueste Comunâl sui Imobii;

• l’imobil al à acuisît o pûr al à pierdût la carateristiche de ruralitât;

• pal fabricât di classificâ intal grup catasticâl D, che nol è iscrit in catastic, o ben iscrit ma cence atribuzion di rendite, possedût dal dut di impresis e contabilizât in maniere distinte, a son stâts contabilizâts coscj in zonte a chei di acuisizion;

• l’imobil, za censît in catastic in une categorie dal grup D, possedût dal dut di impresis e contabilizât in maniere distinte, al à stât ogjet di atribuzion di rendite di ufici;

• l’imobil al è stât ogjet in catastic di declarazion di gnove costruzion o ben di variazion par modifiche struturâl o pûr par cambiament di destinazion di ûs (DOC-FA);

• e je intervignude, in relazion al imobil, une riunion di usufrut;

• e je intervignude, in relazion al imobil, une estinzion dal dirit di enfiteusi o di superficie, gjavant che cheste estinzion no dipendi di un at al à vût aplicadis lis proceduris telematichis dal Model Unic Informatic;

• l’imobil al è di interès storic o artistic daûr dal art. 10, come 1, dal Decret Legjislatîf dai 22 di Zenâr dal 2004, n. 42;

• lis parts comuns dal edifici indicadis intal art. 1117, n. 2 dal Codiç Civîl a son catasticadis in vie autonome.

Intal câs che al vegni costituît il condomini, la declarazion e scuen jessi presentade dal aministradôr dal condomini par cont di ducj i condomins;

• l’imobil al è ogjet di dirits di gjoldiment a timp parziâl daûr dal Decret Legjislatîf dai 9 di Novembar dal 1998, n. 427 (multiproprietât).
L’art. 19, de Leç dai 23 di Dicembar dal 2000, n. 388, al à, di fat, stabilît che nome il paiament de Impueste Comunâl sui Imobii al scuen jessi fat dal aministradôr dal condomini o de comunion, mintri che l’oblic di presentazion de declarazion al reste a caric dai singui sogjets passîfs;

• l’imobil al è possedût, a titul di proprietât o di altri dirit reâl di gjoldiment, di personis juridichis, interessadis di fusion, incorporazion o division;

• si è verificât l’acuist o la cessazion di un dirit reâl sul imobil par efiet di leç (par esempli l’usufrut legâl dai gjenitôrs).

• l’imobil al è stât ogjet di vendite ae aste judiziarie;

• l’imobil al è stât ogjet di vendite intal cjamp des proceduris di faliment o di licuidazion aministrative sfuarçade.

CUI CHE AL SCUEN PRESENTÂ LA DECLARAZION

I mudaments di sogjetivitât passive, che a son capitâts intal cors dal an, a scuegnin jessi declarâts nome intai câs dulà che al è presint l'oblic relatîf, sei di cui che al à smetût di jessi sogjet passîf e sei di cui che al à tacât a jessilu.

SI RICUARDE CHE:

• sogjet passîf dal tribût al è ancje il gjestôr dai bens che a fasin part dal patrimoni imobiliâr public daûr dal Decret Legjislatîf dai 25 di Setembar dal 2001, n. 351, convertît inte Leç dai 23 di Novembar dal 2001, n. 410;

• intal câs che al vegni costituît il condomini, la declarazion e scuen jessi presentade dal aministradôr dal condomini par cont di ducj i condomins. Intal câs che la aministrazion e rivuarde plui condomins, par ognun di lôr e va presentade une declarazion distinte, gjavant in ogni câs i imobii che a son dal aministradôr;

• intal câs di multiproprietât l’oblic di presentazion de declarazion al è a caric dai singui sogjets passîfs.

NOTE BEN:

– intal câs che plui personis a sein titolârs di dirits reâi sul imobil (par esempli: plui proprietaris; proprietât plene par une cuote e usufrut par lis cuotis che a restin) ogni contitolâr al è tignût a declarâ la cuote che e spiete a lui. In ogni câs, ogni titolâr al pues ancje presentâ la declarazion zontade, baste che e cjapi dentri ducj i contitolârs;

– la declarazion e scuen jessi presentade ancje dai residents al forest che a vebin imobii in Italie.

CUANT CHE E VA PRESENTADE LA DECLARAZION

La declarazion e varà di jessi presentade al Servizi Tribûts – Ufici pe Impueste Comunâl sui Imobii dal Comun di Cjampfuarmit dentri dai tiermins previodûts de leç; la domande e va compilade sui modei a pueste metûts a disposizion dal Ufici e distribuîts gratis.
Il model di declarazion de Impueste Comunâl sui Imobii al è fat bon dal Ministeri e al è disponibil li dal Ufici pe Impueste Comunâl sui Imobii dal Comun o pûr a fin di cheste pagjine in formât eletronic.
Cun di plui, si precise che pai contribuents che a mandin par vie telematiche la declarazion dai redits (Model Unic) il tiermin di presentazion di cheste al è fissât ai 31 dal mês di Lui.

CEMÛT PAIÂ LA IMPUESTE COMUNÂL SUI IMOBII

Il cont corint postâl di doprâ nome pal paiament de Impueste Comunâl sui Imobii al è chel cul numar 23543457, che al à di jessi intestât al Comun di Cjampfuarmit (UD) - Impueste Comunâl sui Imobii - Servizi Tesorarie. Si ricuarde di doprâ nome i boletins postâi variâts cun Decret dal Ministeri de Economie e des Financis dai 03/04/2008. Viôt achì il model (par talian).

Il versament di ce che al è dovût al pues jessi fat ancje midiant F24, metint il Codiç Catasticâl B536 e doprant i seguitîfs codiçs tribûts:

CODIÇ	TRIBÛT
3901	Impueste Comunâl sui Imobii pe abitazion principâl
3902	Impueste Comunâl sui Imobii pai terens agricui
3903	Impueste Comunâl sui Imobii pes areis fabricabilis
3904	Impueste Comunâl sui Imobii pai altris fabricâts
3906	Interès de Impueste Comunâl sui Imobii
3907	Sanzions de Impueste Comunâl sui Imobii