CJÂF DI LÛC E FRAZIONS
| |
Cjâf di lûc Cjampfuarmit Frazions: Basandiele, Bresse, Vile Primevere Superficie: Superficie Kmq 22 sù par jù |
Posizion gjeografiche
Il teritori al è logât jenfri i 46° - 46°3’ de latitudin Nord e i 13° 14’ de longjitudin Est. Si slargje te alte planure furlane cuntun pît jenfri lis zonis sutis dal Cormôr a soreli jevât e la zone a pît dai terens morenics a soreli a mont. Il Cormôr, che al nas intal anfiteatri morenic dal Tiliment, e je la uniche aghe impuartant che e bagne un piçul toc di teritori comunâl viers orient e che subit dopo e zire viers misdì. E esist purpûr une rêt di cjanâi artificiâi, trê te frazion di Bresse e un jenfri Cjampfuarmit e Bresse
Altece: 78 m. parsore dal nivel dal mâr
Popolazion al 31/12/2008 n. 7628 abitants
Telâr sociâl
Une volte la agriculture e l’arlevament a jerin lis ativitâts principâls, in dì di vuê a son stadis sostituidis de ativitâts industriâls, artesanâls e dal cumierç. La popolazion e lavore pe grant part te sfere comunâl, ma ancje al di fûr. Di fat la emigrazion viers il forest vuê e je cuasi dal dut scomparide, intant che viers l’interni no je rilevant. Lis feminis a son ocupadis plui di dut tai setôrs dai servizis publics e privâts e dal cumierç. I oms a son impegnâts tal setôr comerciâl, dai servizis e de industrie.
Condizions climatichis
La clime e je temperade sot l’inflùs dal mâr cun temperaduris mediis pôc elevadis parie lis escursions termichis e lis precipitazions che a son ben ripartidis. Une carateristiche salde in ducj i mês e in dutis lis stagjons al è l’aument dai nûi vie pe zornade. Al plûf di plui in sierade e in istât.
