Glesiis
Glesie di Sant Canzian
Cheste gleseute di taviele si cjatave dilunc de strade che e mene a Sante Catarine e e jere intitulade a un dai trê fradis martars Canzio, Canzian e Canzianile. La venerazion par Sant Canzian e je cognossude dome te nestre regjon. La sô fieste e vignive celebrade la dì de prime domenie di Avost. Josef Bonturini al à vût scrit: “Daprûf di cent pas de glesie di Sant Canzian e biel lant viers çampe, si cjate une aree a forme cuadrade sierade di trê bandis e vierte dome par une piçule part te cuarte dulà che al è l’ingrès: li dentri il teren si sbasse in mût disagjevul. La tiere intassade sui cuatri lâts e fâs sì che il cjamp al sedi sierât e protet. I paisans a clamin chel sît tombe sbusade parcè che e à l’aspiet di une grande tombe distaponade. Parsore chest cjamp che o vuei clamâ sierât si alce une culinute a forme di siele circolâr”.(1)
Ducj a san che a Cjampfuarmit al jere un cjamp sierât che al puarte olmis di epoche subit daûr dai Langobarts, dulà che si cjatavin in cunvigne par deliberâ i deans dal Parlament de Patrie dal Friûl (1231, 1299 e v.i.). Il Muratori al dîs che i barbars a clamavin Kampf i combatiments jenfri dôs personis e di chê peraule a vegnin fûr i tiermins campfion e campions. Chel lûc nomenât par antîc Cjampformio si clame cussì parcè che propite alì si tignivin lis lotis. A chest pont si pues zontâ che chel puest al jere stât sielzût pes cunvignis dal Parlament e di altris adunancis impuartantis propite pal fat che il lûc al jere bielzà une vore cognossût. B.M. De Rubeis te sô opare “Monumenta eclesiae aquileiensis” ae pagjine 707 al fevele di un document dal 1231 dulà che al è scrit “Actum in prato de Campoformio feliciter”, ven a dî che al conferme che tai prâts di Cjampfuarmit al è stât tignût il Parlament.(2)
Glesie de Imaculade Concezion di Marie - Bresse
La glesie viere intitulade a Sant Tomâs Apuestul (1) e jere ordenarie. Cuatri murais simpri fumadis, basse, li par li par sdrumâ. E veve di bisugne di une sistemade. Si à pensât di metile a puest ma la idee e fo subit bandonade parcè che il puest al jere scomut e stret jenfri cjasis e stradis. Tal 1860 e vignî fûr la idee di tirânt sù di plante fûr une gnove e daurman si scomençà a ingrumâ i materiâi che a vevin di servî. Tal 1866 al gambià il cuadri politic, i bens de glesie a passarin di man e par fuarce di robis i lavôrs rivuardants la gnove glesie a forin sospindûts. La int dal paîs alore, cul permès de Prefeture, si cjatà in cunvigne ai 12 di Otubar dal 1863. Là si metè adun la Comission Fabricarie cui plens podês, si benedî il prât dulà che a vevin intenzion di fâle sù e a deciderin di proferî a pro de glesie ducj i prodots dai cjamps dal dulintor fin ae fin de sô costruzion. E fo formade une comission cun a cjâf don Luigji D’Agostino e la incarghe di progjetazion e fo dade al architet Jaroni D’Aronco.
Ai 31 di Avost dal 1867 bons. don Filip Elti al benedì la prime piere e ai 24 di Dicembar dal 1882 la gnove glesie e fo benedete da bons. Dree Casasola, arcivescul di Udin. Tal 1886 si smaltarin i mûrs par dentri e par di fûr.
La glesie di Sante Marie de Purificazion - Cjampfuarmit
No si àn notiziis siguris rivuart la prime costruzion di cheste glesie, si sa però che chê di cumò e je stade fate grazie ae volontât e ae ispirazion dal plevan don Albert Manzano, om plen di premuris, tai prins agns dal secul passât daûr progjet di Jaroni D’Aronco. E je stade consacrade tal 1913 dal bons. Antoni Anastasi Rossi, arcivescul di Udin, contornât di une schirie di predis e de gjonde di ducj i parochians dopo di tantis vitis, oris e oris di lavôr, cence jessi paiâts e gnotoladis interiis passadis su cjars e cjaruts par lâ a Sant Pieri dai Sclavons a cjamâ lis pieris che a servivin pe costruzion par tornâ la dì dopo a discjamâlis a Cjampfuarmit. In graciis dal contribût de popolazion la glesie e fo fate sù, biele e grande tant la lôr fede(1).
De glesie viere a restin dome i altârs e un afresc vignût fûr dilunc i lavôrs di restaur e inmurât a drete dal portâl principâl.
Lant indevant cul lavôr di ampliament de glesie sul mûr di une parêt i muradôrs a cjatarin une piture che e mostre Sant Zuan biel che al batie Jesus Crist tal flum Giordano. Il cuadri al è dal XVI secul e al à di jessi stât fat di un brâf pitôr.
Tal di fûr la glesie e mostre ancjemò olmis de cente che si pues viodi de bande a mieze gnot par m. 53, a soreli jevât par m. 30 e a soreli a misdì par m. 43. Al è invezit discomparît il parament ocidentâl strucjât par slargjâ la façade de glesie. Il plaçâl al è sapontât di une muraie a mieze gnot e a soreli jevât, intant che a soreli a misdì la muraie si alce par plui di 3 metris par sore il plan de talpassade. La cente e veve une forme retangolâr e une estension plane limitade par contignî il piçul borc e parie semplicis cjasutis(3).
Il taramot dal 1976 che al à sdramassât il Friûl nol à sparagnât nancje la glesie, ma sot la direzion dal predi don Josef Zorzini al è stât pussibil sestâle e insaldâle. Al è stât pensât alore di meti la comunitât parochiâl sot la protezion de Madone e par chest motîf e je stade ordenade une statue di marmul al scultôr Zuan Patat di Dartigne e une volte fate e fo puartade in glesie vie pe funzion mariane dai 13 di Mai dal 1977, benedide di bons. Fredo Battisti e puartade in prucission par dut il paîs.
Ai 31 di Mai dal 1983 ae fin dai lavôrs post taramot e fo metude sul pronao a pupilâ la glesie e il popul.
Cheste gleseute di taviele si cjatave dilunc de strade che e mene a Sante Catarine e e jere intitulade a un dai trê fradis martars Canzio, Canzian e Canzianile. La venerazion par Sant Canzian e je cognossude dome te nestre regjon. La sô fieste e vignive celebrade la dì de prime domenie di Avost. Josef Bonturini al à vût scrit: “Daprûf di cent pas de glesie di Sant Canzian e biel lant viers çampe, si cjate une aree a forme cuadrade sierade di trê bandis e vierte dome par une piçule part te cuarte dulà che al è l’ingrès: li dentri il teren si sbasse in mût disagjevul. La tiere intassade sui cuatri lâts e fâs sì che il cjamp al sedi sierât e protet. I paisans a clamin chel sît tombe sbusade parcè che e à l’aspiet di une grande tombe distaponade. Parsore chest cjamp che o vuei clamâ sierât si alce une culinute a forme di siele circolâr”.(1)
Ducj a san che a Cjampfuarmit al jere un cjamp sierât che al puarte olmis di epoche subit daûr dai Langobarts, dulà che si cjatavin in cunvigne par deliberâ i deans dal Parlament de Patrie dal Friûl (1231, 1299 e v.i.). Il Muratori al dîs che i barbars a clamavin Kampf i combatiments jenfri dôs personis e di chê peraule a vegnin fûr i tiermins campfion e campions. Chel lûc nomenât par antîc Cjampformio si clame cussì parcè che propite alì si tignivin lis lotis. A chest pont si pues zontâ che chel puest al jere stât sielzût pes cunvignis dal Parlament e di altris adunancis impuartantis propite pal fat che il lûc al jere bielzà une vore cognossût. B.M. De Rubeis te sô opare “Monumenta eclesiae aquileiensis” ae pagjine 707 al fevele di un document dal 1231 dulà che al è scrit “Actum in prato de Campoformio feliciter”, ven a dî che al conferme che tai prâts di Cjampfuarmit al è stât tignût il Parlament.(2)
- G.Bonturini “Di Campoformido e di alcune costumanze in Friuli nell’Evo Medio”
- G.B. Romano “Effemeridi storiche Campformio, 1908”
Glesie de Imaculade Concezion di Marie - Bresse La glesie viere intitulade a Sant Tomâs Apuestul (1) e jere ordenarie. Cuatri murais simpri fumadis, basse, li par li par sdrumâ. E veve di bisugne di une sistemade. Si à pensât di metile a puest ma la idee e fo subit bandonade parcè che il puest al jere scomut e stret jenfri cjasis e stradis. Tal 1860 e vignî fûr la idee di tirânt sù di plante fûr une gnove e daurman si scomençà a ingrumâ i materiâi che a vevin di servî. Tal 1866 al gambià il cuadri politic, i bens de glesie a passarin di man e par fuarce di robis i lavôrs rivuardants la gnove glesie a forin sospindûts. La int dal paîs alore, cul permès de Prefeture, si cjatà in cunvigne ai 12 di Otubar dal 1863. Là si metè adun la Comission Fabricarie cui plens podês, si benedî il prât dulà che a vevin intenzion di fâle sù e a deciderin di proferî a pro de glesie ducj i prodots dai cjamps dal dulintor fin ae fin de sô costruzion. E fo formade une comission cun a cjâf don Luigji D’Agostino e la incarghe di progjetazion e fo dade al architet Jaroni D’Aronco.
Ai 31 di Avost dal 1867 bons. don Filip Elti al benedì la prime piere e ai 24 di Dicembar dal 1882 la gnove glesie e fo benedete da bons. Dree Casasola, arcivescul di Udin. Tal 1886 si smaltarin i mûrs par dentri e par di fûr.
- L. D’Agostino, Alcuni cenni storici sulla chiesa nuova di Bressa, 1894
- F. Lucis, Don Francesco Lucis nel suo venticinquesimo di sacerdozio, 1937
La glesie di Sante Marie de Purificazion - Cjampfuarmit
No si àn notiziis siguris rivuart la prime costruzion di cheste glesie, si sa però che chê di cumò e je stade fate grazie ae volontât e ae ispirazion dal plevan don Albert Manzano, om plen di premuris, tai prins agns dal secul passât daûr progjet di Jaroni D’Aronco. E je stade consacrade tal 1913 dal bons. Antoni Anastasi Rossi, arcivescul di Udin, contornât di une schirie di predis e de gjonde di ducj i parochians dopo di tantis vitis, oris e oris di lavôr, cence jessi paiâts e gnotoladis interiis passadis su cjars e cjaruts par lâ a Sant Pieri dai Sclavons a cjamâ lis pieris che a servivin pe costruzion par tornâ la dì dopo a discjamâlis a Cjampfuarmit. In graciis dal contribût de popolazion la glesie e fo fate sù, biele e grande tant la lôr fede(1).De glesie viere a restin dome i altârs e un afresc vignût fûr dilunc i lavôrs di restaur e inmurât a drete dal portâl principâl.
Lant indevant cul lavôr di ampliament de glesie sul mûr di une parêt i muradôrs a cjatarin une piture che e mostre Sant Zuan biel che al batie Jesus Crist tal flum Giordano. Il cuadri al è dal XVI secul e al à di jessi stât fat di un brâf pitôr.
Tal di fûr la glesie e mostre ancjemò olmis de cente che si pues viodi de bande a mieze gnot par m. 53, a soreli jevât par m. 30 e a soreli a misdì par m. 43. Al è invezit discomparît il parament ocidentâl strucjât par slargjâ la façade de glesie. Il plaçâl al è sapontât di une muraie a mieze gnot e a soreli jevât, intant che a soreli a misdì la muraie si alce par plui di 3 metris par sore il plan de talpassade. La cente e veve une forme retangolâr e une estension plane limitade par contignî il piçul borc e parie semplicis cjasutis(3).
Il taramot dal 1976 che al à sdramassât il Friûl nol à sparagnât nancje la glesie, ma sot la direzion dal predi don Josef Zorzini al è stât pussibil sestâle e insaldâle. Al è stât pensât alore di meti la comunitât parochiâl sot la protezion de Madone e par chest motîf e je stade ordenade une statue di marmul al scultôr Zuan Patat di Dartigne e une volte fate e fo puartade in glesie vie pe funzion mariane dai 13 di Mai dal 1977, benedide di bons. Fredo Battisti e puartade in prucission par dut il paîs.
Ai 31 di Mai dal 1983 ae fin dai lavôrs post taramot e fo metude sul pronao a pupilâ la glesie e il popul.
- Bollettino parrocchiale settembre 1963
- La Patria del Friuli, 28 luglio 1908
- T. Miotti, Castelli del Friuli 2
