CJÂF LÛC E FRAZIONS
| |
Cjâf lûc: Cjampfuarmit. Frazions : Basandiele, Bresse, Vile Primevere. Superficie : Superficie Kmq 22 sù par jù. |
Posizion gjeografiche.
Il teritori al è logât jenfri i 46° - 46°3’ de latitudin Nord e i 13° 14’ de longjitudin Est. Si slargje inte alte planure furlane cuntun pît jenfri lis zonis sutis dal Cormôr a soreli jevât e la zone a pît dai terens morenics a soreli a mont. Il Cormôr, che al nas intal anfiteatri morenic dal Tilimentier, e je la uniche aghe impuartant che e bagne un piçul toc di teritori comunâl a orient e che subit dopo e zire a misdì. E esist ancje une rêt di cjanâi artificiâi, trê te frazion di Bresse e un jenfri Cjampfuarmit e Bresse.
Altece: 78 metris parsore dal nivel dal mâr.
Popolazion (ai 31/12/2008): 7628 abitants.
Struture sociâl.
Une volte la agriculture e l’arlevament a jerin lis ativitâts principâls, in dì di vuê a son stadis sostituidis des ativitâts industriâls, artesanâls e dal cumierç. La popolazion e lavore pe grant part inte sfere comunâl, ma ancje al di fûr. Di fat la emigrazion viers il forest vuê e je cuasi dal dut finide, intant che viers l’interni no je rilevant. Lis feminis a son ocupadis plui di dut intai setôrs dai servizis publics e privâts e dal cumierç. I oms a son impegnâts intal setôr comerciâl, dai servizis e de industrie.
Cundizions climatichis.
Il clime al è temperât sot l’inflùs dal mâr, cun temperaduris mediis pôc elevadis, cun escursions termichis e cun precipitazions che a son ben ripartidis. Une carateristiche salde in ducj i mês e in dutis lis stagjons al è l’aument dai nûi vie pe zornade. Al plûf di plui in autun, ma ancje in istât.
