Prâts stabii
Tal comun di Cjampfuarmit, jenfri la vile principâl e Basandiele a soreli a misdì de statâl n.13 Pontebane, al esist un bocon di tiere protete clamade "Prâts Stabii".
CARATERISTICHIS DAL TERITORI Il teritori al è logât te part centrâl de Alte Planure furlane, jenfri i 95 e i 75 metris sul nivel dal mâr, cuntune pendence medie dal 0,44% cirche. La stratificazion dal glereon sotstant al è di origjin glaciâl vignût fûr in buine part de glerie lassade indaûr cu lis morenis de glace che si ritirave. E je fate in prevalence di claps calcârs e dolomitics, cence savalon e cun formis une vore diferentis di 1-2 cm a 10-15 cm. Dal pont di viste pedologjic il teren al è parsore la part glereose cuntun strât di materiâl di tiere, alt tra i 15 e 30 cm. Daûr de classificazion fate de F.A.O.-U.N.E.S.C.O. cheste cualitât di teren al è clamât Eutric Ferralic Cambisol e stant il spessôr ristret lis colturis dai gruessams a patissin dispès il sut vie pal istât contribuint a di une ridote produzion. Dentri il sît si cjate un mutare preistoriche (Ete dal bronç).
LA VEGJETAZION
La zone e je destinade par une buine part a prât stabil pal fat che e je ocupade soredut dal aeropuart militâr e civîl. La coltivazion plui utilizade e jere fin a cualchi desene indaûr chê midiesime di dute la planure furlane, ven a dî chê prime de vignude dal sisteme moderni che al à introdusût la colture uniche dal mais e prime che la stragrande costruzion di cjasis e sfantàs chel paisaç che par secui al jere restât fer, cence mudaments di significât.
Par fortune ancje al di fûr de base militâr a esistin slambris di terens che a àn ancjemò conservât il lôr nembri origjinâl. Dut chest plui la diferente storie des parteselis, lis diferentis formis di coltivazion e duncje di diferentis intensitâts di coltivazion e cualitâts variis di ledan, al à fat sì che il prât si sedi insiorât creant une grande biodiversitât che si evidenzie pes presincis di svariadis orchideis.
Dal pont di viste de vegjetazion cheste formazion di jerbis e fâs part de Chamaecytiso hirsuti-Chrysopogenetum grylli, cenosi de clas festuco-Brometea, avonde evolude, caraterizade de presince di Dianthus sanguineus, specie de zone iliriche, Prunella laciniata e Serapias vomeracea, oltri che tantis altris orchideis (Orchis morio, Orchis ustulata, Orchis tridentata, Ophris sphegodes, Anacamptis piramidalis, Gymnademia conopsea, coeloglossum viride, Spiranthes spiralis, Platanthera bifolia, Cephalanthera longifolia che a fasin dal sît un habitat di interès comunitari prioritari, da Gladiolus palustris e da Narcissus radiiflorus.
La cenosi e je tipiche dai terens rossits rendziniformis plui o mancul imbrunîts, cun bondance di calcâr e basics, te altece jenfri 50 e 300 metris cirche, te posizion subplane, pitost xeriche.
LA FAUNE
Dal pont di viste de vite dai nemâi il sît al da ricet a di une vore di lôr: Bombina sverzelade, Hyla italiche, Rana dalmatine, Rana esculent, Rana latastei, Rana lessonae e triturus carnifex, Coluber viridiflavus, Elaphe longissime, Lacerta viridis e Podarcis muralis. Ancjemò a fasin il nît i uciei leâts a di un ambient come chel de stepe e a son i Coturnix coturni, Perdix perdix e Miliaria calandra, oltri che i Lanius collurio e Lanius minor. Il Falcus tinnunculus e Falcus peregrinus e l'Asio flammenus al è facil di cjatâju che a svolin parsore. Tra i mamifars no mancjin Lepus europaeus, Talpa europea, Erinaceus europaeus, Meles meles e Mustela putorius.
Al è une vore impuartant tignî chescj prâts par chescj motîfs:
- motîf naturalistic: cualchi specie di animâi e vegjetâi a son presints in regjon dome in chestis zonis, il rompi la tiere dai prâts al vignarès a provocâ la estinzion, almancul te zone des raris entitâts;
- motîf agronomic: i prâts a conservin un patrimoni gjenetic che si pues doprâ par il miorament des plantis coltadis;
- motîf storic culturâl: i prâts a jerin in principi colturis di zonis largjis dal Friûl fin ae rivade de agriculture industriâl;
- motîf paisagjistic: la floridure dai prâts e je dal sigûr inmagante.
La lôr presince e insiore e e romp il paisaç avuâl des colturis intensivis.
CARATERISTICHIS DAL TERITORI Il teritori al è logât te part centrâl de Alte Planure furlane, jenfri i 95 e i 75 metris sul nivel dal mâr, cuntune pendence medie dal 0,44% cirche. La stratificazion dal glereon sotstant al è di origjin glaciâl vignût fûr in buine part de glerie lassade indaûr cu lis morenis de glace che si ritirave. E je fate in prevalence di claps calcârs e dolomitics, cence savalon e cun formis une vore diferentis di 1-2 cm a 10-15 cm. Dal pont di viste pedologjic il teren al è parsore la part glereose cuntun strât di materiâl di tiere, alt tra i 15 e 30 cm. Daûr de classificazion fate de F.A.O.-U.N.E.S.C.O. cheste cualitât di teren al è clamât Eutric Ferralic Cambisol e stant il spessôr ristret lis colturis dai gruessams a patissin dispès il sut vie pal istât contribuint a di une ridote produzion. Dentri il sît si cjate un mutare preistoriche (Ete dal bronç).
LA VEGJETAZION
La zone e je destinade par une buine part a prât stabil pal fat che e je ocupade soredut dal aeropuart militâr e civîl. La coltivazion plui utilizade e jere fin a cualchi desene indaûr chê midiesime di dute la planure furlane, ven a dî chê prime de vignude dal sisteme moderni che al à introdusût la colture uniche dal mais e prime che la stragrande costruzion di cjasis e sfantàs chel paisaç che par secui al jere restât fer, cence mudaments di significât.Par fortune ancje al di fûr de base militâr a esistin slambris di terens che a àn ancjemò conservât il lôr nembri origjinâl. Dut chest plui la diferente storie des parteselis, lis diferentis formis di coltivazion e duncje di diferentis intensitâts di coltivazion e cualitâts variis di ledan, al à fat sì che il prât si sedi insiorât creant une grande biodiversitât che si evidenzie pes presincis di svariadis orchideis.
Dal pont di viste de vegjetazion cheste formazion di jerbis e fâs part de Chamaecytiso hirsuti-Chrysopogenetum grylli, cenosi de clas festuco-Brometea, avonde evolude, caraterizade de presince di Dianthus sanguineus, specie de zone iliriche, Prunella laciniata e Serapias vomeracea, oltri che tantis altris orchideis (Orchis morio, Orchis ustulata, Orchis tridentata, Ophris sphegodes, Anacamptis piramidalis, Gymnademia conopsea, coeloglossum viride, Spiranthes spiralis, Platanthera bifolia, Cephalanthera longifolia che a fasin dal sît un habitat di interès comunitari prioritari, da Gladiolus palustris e da Narcissus radiiflorus.
La cenosi e je tipiche dai terens rossits rendziniformis plui o mancul imbrunîts, cun bondance di calcâr e basics, te altece jenfri 50 e 300 metris cirche, te posizion subplane, pitost xeriche.
LA FAUNE
Dal pont di viste de vite dai nemâi il sît al da ricet a di une vore di lôr: Bombina sverzelade, Hyla italiche, Rana dalmatine, Rana esculent, Rana latastei, Rana lessonae e triturus carnifex, Coluber viridiflavus, Elaphe longissime, Lacerta viridis e Podarcis muralis. Ancjemò a fasin il nît i uciei leâts a di un ambient come chel de stepe e a son i Coturnix coturni, Perdix perdix e Miliaria calandra, oltri che i Lanius collurio e Lanius minor. Il Falcus tinnunculus e Falcus peregrinus e l'Asio flammenus al è facil di cjatâju che a svolin parsore. Tra i mamifars no mancjin Lepus europaeus, Talpa europea, Erinaceus europaeus, Meles meles e Mustela putorius.
Al è une vore impuartant tignî chescj prâts par chescj motîfs:
- motîf naturalistic: cualchi specie di animâi e vegjetâi a son presints in regjon dome in chestis zonis, il rompi la tiere dai prâts al vignarès a provocâ la estinzion, almancul te zone des raris entitâts;
- motîf agronomic: i prâts a conservin un patrimoni gjenetic che si pues doprâ par il miorament des plantis coltadis;
- motîf storic culturâl: i prâts a jerin in principi colturis di zonis largjis dal Friûl fin ae rivade de agriculture industriâl;
- motîf paisagjistic: la floridure dai prâts e je dal sigûr inmagante.
La lôr presince e insiore e e romp il paisaç avuâl des colturis intensivis.
