Storie
CRONOLOGJE DAL PERCORS DI NAPOLEON IN FRIÛL (1797)
Gjavât fûr di "Napoleone in Friuli" di Jacum di Prampero.
Ai 14 di Març - Vignint di Conean Napoleon cul so Stât Maiôr si ferme a Sacîl.
Ai 15 di Març - Al va indevant par Pordenon e al ordene aes divisions di Bernadotte e Guieu di indreçâsi viers Voleson.
Ai 16 di Març - Si tire dongje cui soi sul Tiliment daprûf Voleson, pront a scombati cuintri lis trupis dal arciduche Carli une bataie sanganose che e va indevant par dute la gnot cuant che i francês vitoriôs a cjapin Guriciz. Napoleon al passe la gnot tal cjistiel dai conts di Voleson e al ordene a Massena di lâ in presse a Spilimberc.
Ai 17 di Març - Stant a Voleson al ordene aes divisions di assaltâ il nemì e di imparonâsi di Sant Denêl, Osôf e Glemone e rivâ fin a Scluse.
Ai 18 di Març - Al va a Palme ordenant di recuisî ducj i tocs di artiliarie che si puedin cjatâ tant che a Udin che su lis cuestis. Al prepare la bataie su la linie de Tor, intant che Massena al jentre a Sant Denêl, Osôf e si loze a Glemone.
Ai 19 di Març - Ricognizion faturose su la Tor par cirî un vât, rindude grivie de alçade de aghe daspò lis ultimis ploiis, Napoleon si ferme a Viscon li dai Serravalle e al domande informazions su la topografie de zone. Intant Bernadotte e Serurier si imparonin di Gardiscje obleant ae rese la miôr guarnigjon dal arciduche Carli. Napoleon al torne a Palme li che al passe la gnot.
Ai 20 di Març - Al ordene a Bernadotte e Serurier di lâ a Gurize. Si stabilìs a Gardiscje e achì al met sù une municipalitât cun a cjâf il comissari Julii marchês Gravisi.
Ai 21 di Març – Di Gardiscje al va a Gurize e al scrîf al lutignint venit di Udin di jessi displasût pai dams fats des trupis intai paîs furlans e al ribat l’ordin di fâ fusilâ ducj chei che a àn fat fiscaments. Al ricêf il Vicjari gjenerâl, il Cancelîr concistoriâl e il Segretari dal Vescul e ur sigure il so implant di tignî pe brene lis trupis, di protezi la religjon, lis sacris funzions e la propietât di ognidun. Napoleon al passe la gnot a Gurize.
Ai 22 di Març - Stant a Gurize al scrîf ai magjistrâts di Triest par acuardâsi su la jentrade des trupis francesis in citât.
Ai 23 di Març - A Gurize al ricêf i deputâts triestins e al ordene di trasferî dute la artiliarie di Triest a Palme. Sot sere lis trupis di Murat e Dugua a jentrin in citât e la zornade daspò e ven tirade sù in place la bandiere francese.
Ai 26 di Març - Al afide a Bernadotte il comant de contee di Gurize e Gardiscje e al lasse la citât, daspò une permanence di cinc dîs.
Par cirche un mês al è in Austrie.
Ai 24 di Avrîl – Divignint di Graz al rive a Palme.
Ai 29 di Avrîl – Al è a Triest li che al ricêf cun tant rivuart il vescul Buset e i ven regalât un cjaval blanc da bande de citadinance.
Ai 30 di Avrîl – Al va a Palme e al torne a lozâ in cjase Dalla Savia.
Il prin di Mai – Stant a Palme al declare la vuere ae Republiche Venite.
Ai 2 di Mai – Al finìs in maniere definitive il guvier venit cu la partence dal lutignint Mocenigo. Napoleon si ferme a Palme fin ai 5 di Mai cuant che al partìs par Mombel, passant par Pordenon.
Divignint di Trevîs, Conean e Sacîl ai
26 di Avost – Si ferme a Pordenon.
Ai 27 di Avost – Al rive a Passarian lozantsi te vile dai conts Manin. Achì al ricêf i rapresentants de municipalitât udinese e al ten a gustâ i parons de vile.
Ai 28 di Avost – A scomencin lis tratativis cui plenipotenziaris austriacs par fissâ un sît intermedi par tignî lis conferencis.
Ai 29 di Avost – A Passarian al invide a gustâ i trê plenipotenziaris austriacs, il marchês Del Gallo, il cont de Merveldt e il baron Degelmann.
Ai 30 di Avost – Al scuen rinunziâ a tornâ la visite ai plenipotenziaris che lu spietin a Udin par motîfs di salût.
Ai 31 di Avost – Al è a Udin pal incuintri rimandât la dì prime. Si ferme a gustâ li dal marchês Del Gallo e al torne indaûr a Passarian a miezegnot.
Il prin di Setembar – Al è ancjemò a Udin a discori cui austriacs, po dopo, di Passarian, al scrîf al Diretori par otignî un servizi miôr tai ospedâi.
Ai 2 di Setembar – Simpri stant a Passarian, al ordene la vendite de robe di une abazie e di doprâ il dispindi par inmaneâ un bataion nazionâl.
Ai 3 di Setembar – Visite a Udin intune caroce a sîs cjavai, cun daûr une altre caroce pai siei aiutants e la scorte di 10 dragons a cjaval. Da râr al faseve la strade che di Basandiele e puarte in vie Grezan, par solit al faseve la strade di Cjampfuarmit, al passave pai prâts di Sant Canzian e Sante Catarine fin al pas dal Cormôr, jentrant a Udin par Puarte Pusciel.
Ai 4 di Setembar – Ancjemò conferencis diplomatichis, tant a Udin che a Passarian.
Ai 5 di Setembar – In matinade al va a Palme cui siei gjenerâi, po dopo al torne a Passarian.
Ai 6 di Setembar – Aes 13,30 al è a Udin par une lungje conference cui plenipotenziaris.
Ai 7 di S etembar – Stant a Passarian al da disposizions in câs di partence ai 24 di setembar e al comande di mandâ a Palme lis sclopis di cjace e chês puartadis vie ai mucs e ai venezians. Al continue a discori cui plenipotenziaris fin aes 21,00.
Ai 8 di Setembar – Al ordene ai guviers provisoris dal Venit di proviodi aes dibisugns des sôs trupis in marce e al da disposizions ai comandants di division dal Venit di cjatâi oms fidâts par mantignî cuiets i paîs, di cirî zovins di buine famee disposcj a proviodisi di une monture e a servî l’esercit e di sigurâsi che il disarmi al sedi stât disbratât.
Ai 9 di Setembar – Al rive a Udin e al da l’ordin che si proviodi al furniment di materiâl pes ambulancis e a cjatâ i mieçs par traspuartâ il pan.
Ai 10 di Setembar – Al domande a lis trupis di inmaneâ la fieste dai 23 di Setembar, aniversari de Republiche Francese.
Ai 11 di Setembar – Conference e gustâ cui plenipotenziaris.
Ai 12 di Setembar – Si decît di inviâ a Viene une stafete par cognossi lis ultimis decisions dal imperadôr.
Ai 13 di Setembar – Di Passarian al da ordins precîs pe dislocazion des guarnigjons in teritori furlan.
Ai 14 di Setembar – Al ricêf pressions pe concession des tant suspiradis riformis democratichis e i fasin visite, di ogni bande dal Venit, i plui innomenâts patriots par che nol moli Vignesie tes mans de Austrie.
Ai 15 di Setembar - Si ocupe de disposizions des sôs trupis, maraveantsi che la prime division no je ancjemò rivade a Palme.
Ai 16 di Setembar – La mancjance di sielis e staronze di 200 oms il 7° reziment ussars, rivât chenti cu la division Dumas.
Ai 17 di S etembar – Al vise i plenipotenziaris che, tal câs che il tratât di pâs nol vegni sotscrit jenfri il prin di Otubar, la France no tignarà in nissun cont dai preliminârs di Leoben. Aes 16,30 Josefine e passe par Pordenon par rivâ a Passarian.
Ai 18 di S etembar – Al ordene il stramudament di tocs di artiliarie di Palme a Osôf.
Ai 19 di Setembar – Al scrîf al Diretori sul Congrès di Udin e al anuncie la visite dai plenipotenziaris vignûts a riverì Josefine.
Ai 20 di Setembar – Al ordene al gjenerâl Dumas di mandâ spions a Gurize e a Triest par cjapâ informazions su lis trupis austriachis.
Ai 21 di Setembar – Al domande al Diretori di nomenâ cualchi plenipotenziari speciâl pal Congrès di Udin, e no i va che al sedi metût ancje il so non.
Ai 22 di Setembar – Al fâs un proclame a lis trupis pe ricorence de Republiche Francese.
Ai 23 di Setembar – Al ordene di sdrumâ trê paîs: Roncjis, Palme e S. Laurinç.
Ai 24 di Setembar – A Passarian al guste cun Del Gallo.
Ai 25 di Setembar – Al domande lis dimissions al Diretori par motîfs di salût e pes masse responsabilitâts (in chel periodi Napoleon al jere pardabon patît, al veve pôre che lu velenassin, ma in veretât i jere vignude la rogne).
Ai 26 di Setembar – Al domande un inzegnîr par fâ comedâ lis stradis di Puart-Fossalte-S. Maur e S. Zorç - Tisane - Muçane e par rinfuarçâ i puints di len par fâ passâ la artiliarie ancje tai periodis des grandis ploiis. Al rive a Udin il cont di Cobenzl, il plui babio diplomatic dal imperi.
Ai 27 di Setembar – Al va a Udin, cun Massena, a Palaç Florio par cjatâsi cun Cobenzl.
Ai 28 di Setembar – Al da apontament a Cobenzl e a chei altris plenipotenziaris te sô residence di Passarian.
Ai 29 di Setembar – Ancjemò colocuis cui austriacs, ma cheste volte a Udin, li che al rive a cjaval cuntun pôcs di uficiâi dal Stât maiôr.
Ai 30 di Setembar – Al è a Passarian.
Il prin di Otubar – Al ten une conference a Passarian e al scrîf al ministri pal forest che lis guarnigjons di Palme e di Osôf a son avonde furnidis di armis e mangjativis. Al insist ancjemò pes dimissions.
Ai 2 di Otubar – Al è a Palaç Florio a discori cun Cobenzl.
Ai 3 di Otubar – Conference e gustâ a Passarian cui plenipotenziaris.
Ai 4 di Otubar – Conference a Udin, daspò gustâ e ghiringhel li che e interven ancje Josefine. Sot sere al va a teatri.
Ai 5 e 6 di Otubar – A Passarian cui plenipotenziaris pai solits discors uficiâi. Al scrîf a Haller che lis tratativis a son in pericul par vie des spropositadis pretesis dai austriacs.
Ai 7 di Otubar – Al torne a inviâ lis tratativis cun Cobenzl a Udin. Al vise il ministri pal forest che di li a cualchi dì si decidarà pe pâs o pe vuere.
Ai 8 di Otubar – Intant che Napoleon al reste a Passarian, Josefine e je a teatri a Udin.
Ai 9 di Otubar – Disposizions pe dislocazion des trupis metudis a difindi Palme, Sarvignan e il puint sul Lusinç. Tor lis 15,30 a rivin a Passarian i cuatri plenipotenziaris austriacs e a discutin dute la gnot.
Ai 10 di Otubar – Al scrîf al Diretori:" La pâs e sarà firmade vie pe gnot o si romparan lis tratativis", ma no si presente ae riunion proviodude di sere sul tart a Udin.
Ai 11 di Otubar – Conference une vore burascjose cun Cobenzl a Palaç Florio, Napoleon al è un grum sustât pe pachee dal austriac e cuntun brusc smaneç al romp une preseose porcelane, regâl de imperadore Catarine II.
Ai 12 di Otubar – Al torne a Passarian e al da ordin a lis trupis di tignîsi prontis, decidût a tornâ in asse cu la Austrie.
Ai 13 di Otubar - E je une zornade di un Invier abuinorîf cu lis montagnis plenis di nêf . Napoleon si convinç che in fin dai conts al è miôr firmâ la pâs, "Vignesie e paiarà lis spesis di vuere, e che il Confin dal Reno, il Diretori e i avocats a disin ce che a vuelin".
Ai 14 di Otubar – Tor lis 16,30 al conferìs a Passarian cun Del Gallo e Merveldt che i presentin il progjet dal tratât zaromai completât.
Ai 15, 16 di Otubar – Al reste a Passarian pai ultins colocuis cun Del Gallo.
Ai 17 di Otubar – Tor lis 8,00 a rivin a Passarian Del Gallo e Merveldt par preparâ lis copiis dai ats che daspò a saressin stâts firmâts a Cjampfuarmit, là che e jere stade preparade une stanzie te cjase di Bertrant Della Torre. A lis 17.00, Cobenzl e Degelmann, che a jerin in spiete dai lôr coleghis di Passarian, a vegnin visâts di lâ a Passarian parcè che Napoleon al domande di intardâ di une zornade pal fat che al è in spiete di un corîr di Parîs. Par pôre che Napoleon al ves intenzion di profitâ dal intart par slungjâ la liste des pretesis, i diplomatics a van a Passarian e Napoleon si scuse pal so precedent mût di fâ causât de smanie e de mancjance di esperience diplomatiche. Fra lis 21,30 e lis 24,00 al ven firmât il tratât di pâs clamât di Cjampfuarmit.
Jacum Di Prampero al sosten che no si à di meti in dubi che il tratât al sedi stât firmât a Vile Manin e no a Cjampfuarmit.
Il malintindiment al nas par vie che il non de localitât, stabilide za prime, e comparìs sui documents uficiâi come tes usancis dai tratâts di pâs, ma ancje pai preparatîfs che a jerin stâts fats in cjase di Bertrant Della Torre e, infin, pe sigure presince sul puest dai doi diplomatics austriacs Cobenzl e Degelmann.
Z.B. Fabris, tal so libri "llustrazione del distretto di Codroipo" al descrîf cualchi particolâr interessant su la permanence di Napoleon a Passarian, durade 57 dîs:
"Bonaparte a Passarian al veve la sô cort militâr, e une schirie di int daûrsi come un sovran coronât, tant a dî che lui si sintive za di jessi plui che il comandant di un esercit vitoriôs. A Codroip si jere stabilît un cuarp di milizie che e cambiave ogni dì la vuardie ae sô residence, cun 50 granadîrs, e 30 ussars a cjaval. Il tratament al jere sontuôs, e la spese no i dave di pensâ, parcè che e proviodeve la Municipalitât di Vignesie midiant il so comissari Ippoliti, agjent de Famee Manin.
In timp de sô permanence a Passarian il Gjenerâl, cun di plui che a Udin, al faseve dispès gjitis a cjaval tai lûcs lì ator.(…)
Li dal Gjenerâl a vignivin deputazions a impetî reclams, a presentâ suplichis, predis a implorâ che a fossin rispietadis lis glesiis e protezude la religjon e la proprietât des malefatis dai soldâts. (…..)
Par tancj scandais che o fasès, no ai podût marcâ, dal sigûr, par mancjance di documents, in cuale stanzie al vignì firmât il tratât te vile di Passarian, come ancje in cualis cjamaris a durmirin Bonaparte e Josefine che i lave daûr, a pene maridâts, e di cognossi lis lôr usancis vie pe zornade. Al ven di pensâ che la sotscrizion e fo fate ta chê stesse stanzie li che si cjatavin par discuti i plenipotenziaris(…).
Si dîs ancje, ma e je une notizie dal lûc, che il Gjenerâl al ves par ûs particolâr l’apartament al plan tiere, a drete dal palaç stes. In chel apartament e je une biele cjamare, furnide di cualchi stuc, cui barcons che a dan su la place principâl, cuntune alcove di doi jets – e duncje si pues crodi che li, sot il cîl di chê alcove te ombrene dai soi cortesans, a durmirin insieme Josefine e Napoleon.
Gjavât fûr di "Napoleone in Friuli" di Jacum di Prampero.
Ai 14 di Març - Vignint di Conean Napoleon cul so Stât Maiôr si ferme a Sacîl.
Ai 15 di Març - Al va indevant par Pordenon e al ordene aes divisions di Bernadotte e Guieu di indreçâsi viers Voleson.
Ai 16 di Març - Si tire dongje cui soi sul Tiliment daprûf Voleson, pront a scombati cuintri lis trupis dal arciduche Carli une bataie sanganose che e va indevant par dute la gnot cuant che i francês vitoriôs a cjapin Guriciz. Napoleon al passe la gnot tal cjistiel dai conts di Voleson e al ordene a Massena di lâ in presse a Spilimberc.
Ai 17 di Març - Stant a Voleson al ordene aes divisions di assaltâ il nemì e di imparonâsi di Sant Denêl, Osôf e Glemone e rivâ fin a Scluse.
Ai 18 di Març - Al va a Palme ordenant di recuisî ducj i tocs di artiliarie che si puedin cjatâ tant che a Udin che su lis cuestis. Al prepare la bataie su la linie de Tor, intant che Massena al jentre a Sant Denêl, Osôf e si loze a Glemone.
Ai 19 di Març - Ricognizion faturose su la Tor par cirî un vât, rindude grivie de alçade de aghe daspò lis ultimis ploiis, Napoleon si ferme a Viscon li dai Serravalle e al domande informazions su la topografie de zone. Intant Bernadotte e Serurier si imparonin di Gardiscje obleant ae rese la miôr guarnigjon dal arciduche Carli. Napoleon al torne a Palme li che al passe la gnot.
Ai 20 di Març - Al ordene a Bernadotte e Serurier di lâ a Gurize. Si stabilìs a Gardiscje e achì al met sù une municipalitât cun a cjâf il comissari Julii marchês Gravisi.
Ai 21 di Març – Di Gardiscje al va a Gurize e al scrîf al lutignint venit di Udin di jessi displasût pai dams fats des trupis intai paîs furlans e al ribat l’ordin di fâ fusilâ ducj chei che a àn fat fiscaments. Al ricêf il Vicjari gjenerâl, il Cancelîr concistoriâl e il Segretari dal Vescul e ur sigure il so implant di tignî pe brene lis trupis, di protezi la religjon, lis sacris funzions e la propietât di ognidun. Napoleon al passe la gnot a Gurize.
Ai 22 di Març - Stant a Gurize al scrîf ai magjistrâts di Triest par acuardâsi su la jentrade des trupis francesis in citât.
Ai 23 di Març - A Gurize al ricêf i deputâts triestins e al ordene di trasferî dute la artiliarie di Triest a Palme. Sot sere lis trupis di Murat e Dugua a jentrin in citât e la zornade daspò e ven tirade sù in place la bandiere francese.
Ai 26 di Març - Al afide a Bernadotte il comant de contee di Gurize e Gardiscje e al lasse la citât, daspò une permanence di cinc dîs.
Par cirche un mês al è in Austrie.
Ai 24 di Avrîl – Divignint di Graz al rive a Palme.
Ai 29 di Avrîl – Al è a Triest li che al ricêf cun tant rivuart il vescul Buset e i ven regalât un cjaval blanc da bande de citadinance.
Ai 30 di Avrîl – Al va a Palme e al torne a lozâ in cjase Dalla Savia.
Il prin di Mai – Stant a Palme al declare la vuere ae Republiche Venite.
Ai 2 di Mai – Al finìs in maniere definitive il guvier venit cu la partence dal lutignint Mocenigo. Napoleon si ferme a Palme fin ai 5 di Mai cuant che al partìs par Mombel, passant par Pordenon.
Divignint di Trevîs, Conean e Sacîl ai
26 di Avost – Si ferme a Pordenon.
Ai 27 di Avost – Al rive a Passarian lozantsi te vile dai conts Manin. Achì al ricêf i rapresentants de municipalitât udinese e al ten a gustâ i parons de vile.
Ai 28 di Avost – A scomencin lis tratativis cui plenipotenziaris austriacs par fissâ un sît intermedi par tignî lis conferencis.
Ai 29 di Avost – A Passarian al invide a gustâ i trê plenipotenziaris austriacs, il marchês Del Gallo, il cont de Merveldt e il baron Degelmann.
Ai 30 di Avost – Al scuen rinunziâ a tornâ la visite ai plenipotenziaris che lu spietin a Udin par motîfs di salût.
Ai 31 di Avost – Al è a Udin pal incuintri rimandât la dì prime. Si ferme a gustâ li dal marchês Del Gallo e al torne indaûr a Passarian a miezegnot.
Il prin di Setembar – Al è ancjemò a Udin a discori cui austriacs, po dopo, di Passarian, al scrîf al Diretori par otignî un servizi miôr tai ospedâi.
Ai 2 di Setembar – Simpri stant a Passarian, al ordene la vendite de robe di une abazie e di doprâ il dispindi par inmaneâ un bataion nazionâl.
Ai 3 di Setembar – Visite a Udin intune caroce a sîs cjavai, cun daûr une altre caroce pai siei aiutants e la scorte di 10 dragons a cjaval. Da râr al faseve la strade che di Basandiele e puarte in vie Grezan, par solit al faseve la strade di Cjampfuarmit, al passave pai prâts di Sant Canzian e Sante Catarine fin al pas dal Cormôr, jentrant a Udin par Puarte Pusciel.
Ai 4 di Setembar – Ancjemò conferencis diplomatichis, tant a Udin che a Passarian.
Ai 5 di Setembar – In matinade al va a Palme cui siei gjenerâi, po dopo al torne a Passarian.
Ai 6 di Setembar – Aes 13,30 al è a Udin par une lungje conference cui plenipotenziaris.
Ai 7 di S etembar – Stant a Passarian al da disposizions in câs di partence ai 24 di setembar e al comande di mandâ a Palme lis sclopis di cjace e chês puartadis vie ai mucs e ai venezians. Al continue a discori cui plenipotenziaris fin aes 21,00.
Ai 8 di Setembar – Al ordene ai guviers provisoris dal Venit di proviodi aes dibisugns des sôs trupis in marce e al da disposizions ai comandants di division dal Venit di cjatâi oms fidâts par mantignî cuiets i paîs, di cirî zovins di buine famee disposcj a proviodisi di une monture e a servî l’esercit e di sigurâsi che il disarmi al sedi stât disbratât.
Ai 9 di Setembar – Al rive a Udin e al da l’ordin che si proviodi al furniment di materiâl pes ambulancis e a cjatâ i mieçs par traspuartâ il pan.
Ai 10 di Setembar – Al domande a lis trupis di inmaneâ la fieste dai 23 di Setembar, aniversari de Republiche Francese.
Ai 11 di Setembar – Conference e gustâ cui plenipotenziaris.
Ai 12 di Setembar – Si decît di inviâ a Viene une stafete par cognossi lis ultimis decisions dal imperadôr.
Ai 13 di Setembar – Di Passarian al da ordins precîs pe dislocazion des guarnigjons in teritori furlan.
Ai 14 di Setembar – Al ricêf pressions pe concession des tant suspiradis riformis democratichis e i fasin visite, di ogni bande dal Venit, i plui innomenâts patriots par che nol moli Vignesie tes mans de Austrie.
Ai 15 di Setembar - Si ocupe de disposizions des sôs trupis, maraveantsi che la prime division no je ancjemò rivade a Palme.
Ai 16 di Setembar – La mancjance di sielis e staronze di 200 oms il 7° reziment ussars, rivât chenti cu la division Dumas.
Ai 17 di S etembar – Al vise i plenipotenziaris che, tal câs che il tratât di pâs nol vegni sotscrit jenfri il prin di Otubar, la France no tignarà in nissun cont dai preliminârs di Leoben. Aes 16,30 Josefine e passe par Pordenon par rivâ a Passarian.
Ai 18 di S etembar – Al ordene il stramudament di tocs di artiliarie di Palme a Osôf.
Ai 19 di Setembar – Al scrîf al Diretori sul Congrès di Udin e al anuncie la visite dai plenipotenziaris vignûts a riverì Josefine.
Ai 20 di Setembar – Al ordene al gjenerâl Dumas di mandâ spions a Gurize e a Triest par cjapâ informazions su lis trupis austriachis.
Ai 21 di Setembar – Al domande al Diretori di nomenâ cualchi plenipotenziari speciâl pal Congrès di Udin, e no i va che al sedi metût ancje il so non.
Ai 22 di Setembar – Al fâs un proclame a lis trupis pe ricorence de Republiche Francese.
Ai 23 di Setembar – Al ordene di sdrumâ trê paîs: Roncjis, Palme e S. Laurinç.
Ai 24 di Setembar – A Passarian al guste cun Del Gallo.
Ai 25 di Setembar – Al domande lis dimissions al Diretori par motîfs di salût e pes masse responsabilitâts (in chel periodi Napoleon al jere pardabon patît, al veve pôre che lu velenassin, ma in veretât i jere vignude la rogne).
Ai 26 di Setembar – Al domande un inzegnîr par fâ comedâ lis stradis di Puart-Fossalte-S. Maur e S. Zorç - Tisane - Muçane e par rinfuarçâ i puints di len par fâ passâ la artiliarie ancje tai periodis des grandis ploiis. Al rive a Udin il cont di Cobenzl, il plui babio diplomatic dal imperi.
Ai 27 di Setembar – Al va a Udin, cun Massena, a Palaç Florio par cjatâsi cun Cobenzl.
Ai 28 di Setembar – Al da apontament a Cobenzl e a chei altris plenipotenziaris te sô residence di Passarian.
Ai 29 di Setembar – Ancjemò colocuis cui austriacs, ma cheste volte a Udin, li che al rive a cjaval cuntun pôcs di uficiâi dal Stât maiôr.
Ai 30 di Setembar – Al è a Passarian.
Il prin di Otubar – Al ten une conference a Passarian e al scrîf al ministri pal forest che lis guarnigjons di Palme e di Osôf a son avonde furnidis di armis e mangjativis. Al insist ancjemò pes dimissions.
Ai 2 di Otubar – Al è a Palaç Florio a discori cun Cobenzl.
Ai 3 di Otubar – Conference e gustâ a Passarian cui plenipotenziaris.
Ai 4 di Otubar – Conference a Udin, daspò gustâ e ghiringhel li che e interven ancje Josefine. Sot sere al va a teatri.
Ai 5 e 6 di Otubar – A Passarian cui plenipotenziaris pai solits discors uficiâi. Al scrîf a Haller che lis tratativis a son in pericul par vie des spropositadis pretesis dai austriacs.
Ai 7 di Otubar – Al torne a inviâ lis tratativis cun Cobenzl a Udin. Al vise il ministri pal forest che di li a cualchi dì si decidarà pe pâs o pe vuere.
Ai 8 di Otubar – Intant che Napoleon al reste a Passarian, Josefine e je a teatri a Udin.
Ai 9 di Otubar – Disposizions pe dislocazion des trupis metudis a difindi Palme, Sarvignan e il puint sul Lusinç. Tor lis 15,30 a rivin a Passarian i cuatri plenipotenziaris austriacs e a discutin dute la gnot.
Ai 10 di Otubar – Al scrîf al Diretori:" La pâs e sarà firmade vie pe gnot o si romparan lis tratativis", ma no si presente ae riunion proviodude di sere sul tart a Udin.
Ai 11 di Otubar – Conference une vore burascjose cun Cobenzl a Palaç Florio, Napoleon al è un grum sustât pe pachee dal austriac e cuntun brusc smaneç al romp une preseose porcelane, regâl de imperadore Catarine II.
Ai 12 di Otubar – Al torne a Passarian e al da ordin a lis trupis di tignîsi prontis, decidût a tornâ in asse cu la Austrie.
Ai 13 di Otubar - E je une zornade di un Invier abuinorîf cu lis montagnis plenis di nêf . Napoleon si convinç che in fin dai conts al è miôr firmâ la pâs, "Vignesie e paiarà lis spesis di vuere, e che il Confin dal Reno, il Diretori e i avocats a disin ce che a vuelin".
Ai 14 di Otubar – Tor lis 16,30 al conferìs a Passarian cun Del Gallo e Merveldt che i presentin il progjet dal tratât zaromai completât.
Ai 15, 16 di Otubar – Al reste a Passarian pai ultins colocuis cun Del Gallo.
Ai 17 di Otubar – Tor lis 8,00 a rivin a Passarian Del Gallo e Merveldt par preparâ lis copiis dai ats che daspò a saressin stâts firmâts a Cjampfuarmit, là che e jere stade preparade une stanzie te cjase di Bertrant Della Torre. A lis 17.00, Cobenzl e Degelmann, che a jerin in spiete dai lôr coleghis di Passarian, a vegnin visâts di lâ a Passarian parcè che Napoleon al domande di intardâ di une zornade pal fat che al è in spiete di un corîr di Parîs. Par pôre che Napoleon al ves intenzion di profitâ dal intart par slungjâ la liste des pretesis, i diplomatics a van a Passarian e Napoleon si scuse pal so precedent mût di fâ causât de smanie e de mancjance di esperience diplomatiche. Fra lis 21,30 e lis 24,00 al ven firmât il tratât di pâs clamât di Cjampfuarmit.
Jacum Di Prampero al sosten che no si à di meti in dubi che il tratât al sedi stât firmât a Vile Manin e no a Cjampfuarmit.
Il malintindiment al nas par vie che il non de localitât, stabilide za prime, e comparìs sui documents uficiâi come tes usancis dai tratâts di pâs, ma ancje pai preparatîfs che a jerin stâts fats in cjase di Bertrant Della Torre e, infin, pe sigure presince sul puest dai doi diplomatics austriacs Cobenzl e Degelmann.
Z.B. Fabris, tal so libri "llustrazione del distretto di Codroipo" al descrîf cualchi particolâr interessant su la permanence di Napoleon a Passarian, durade 57 dîs:
"Bonaparte a Passarian al veve la sô cort militâr, e une schirie di int daûrsi come un sovran coronât, tant a dî che lui si sintive za di jessi plui che il comandant di un esercit vitoriôs. A Codroip si jere stabilît un cuarp di milizie che e cambiave ogni dì la vuardie ae sô residence, cun 50 granadîrs, e 30 ussars a cjaval. Il tratament al jere sontuôs, e la spese no i dave di pensâ, parcè che e proviodeve la Municipalitât di Vignesie midiant il so comissari Ippoliti, agjent de Famee Manin.
In timp de sô permanence a Passarian il Gjenerâl, cun di plui che a Udin, al faseve dispès gjitis a cjaval tai lûcs lì ator.(…)
Li dal Gjenerâl a vignivin deputazions a impetî reclams, a presentâ suplichis, predis a implorâ che a fossin rispietadis lis glesiis e protezude la religjon e la proprietât des malefatis dai soldâts. (…..)
Par tancj scandais che o fasès, no ai podût marcâ, dal sigûr, par mancjance di documents, in cuale stanzie al vignì firmât il tratât te vile di Passarian, come ancje in cualis cjamaris a durmirin Bonaparte e Josefine che i lave daûr, a pene maridâts, e di cognossi lis lôr usancis vie pe zornade. Al ven di pensâ che la sotscrizion e fo fate ta chê stesse stanzie li che si cjatavin par discuti i plenipotenziaris(…).
Si dîs ancje, ma e je une notizie dal lûc, che il Gjenerâl al ves par ûs particolâr l’apartament al plan tiere, a drete dal palaç stes. In chel apartament e je une biele cjamare, furnide di cualchi stuc, cui barcons che a dan su la place principâl, cuntune alcove di doi jets – e duncje si pues crodi che li, sot il cîl di chê alcove te ombrene dai soi cortesans, a durmirin insieme Josefine e Napoleon.
