Storie prime dal tratât
In timp de dominazion veneziane, che e scomence tal 1420 cuant che a Udin si insede il prin lutignint venit de Patrie dal Friûl, dute la planure furlane e vîf di une economie sclagne fate di coltivazion dai cjamps e di arlevament di un pôc di besteam.
O 'nt vin descrizions precisis e avilentis tes relazions che i lutignints a jerin tignûts a dâ dongje ae fin dal lôr mandât.
Il cuadri des cundizions di vite al è vonde lancurôs: i nobii no àn grandis ricjecis e il popul al è puar mindic.
Alvise Reiner tal 1723 al saponte ce tant dificil che al è fâ paiâ lis tassis par colpe dal "sterp naturâl di chê miserabile Provincie". La miserie e je ingriviade di une schirie di continuis montafins naturâi sicu i taramots, pestilencis, aluvions. Parfin il torint Cormôr, che fin in chê volte nol veve mai causât aluvions cuissà ce disastrosis, dal 1486 indevant al scomence a jessi une menace soredut par Basandiele pal impuartant aument de puartade des plenis.
La periculositât dal Cormôr si pant ai 12 di Dicembar dal 1719 cuant che, rompint i arzins, al sbridine i cjamps fin a Puçui, distirpant dutis lis colturis. Tal 1743 une instance di proviodiments urgjents e ven mandade dal comun di Basandiele dopo di un montafin causât dal disboscament cence sintiment che si meteve in at in chel timp par fâ front aes dibisugnis de marine veneziane.
La crisi dal setôr agricul e varès podût jessi disberdeade in curt se lis gnovis colturis de blave e de patate, impuartadis in Europe dopo la scuvierte des Americhis, a vessin incuintrât mancul resistencis te agricolture locâl. "Grazie a un censiment economic tal 1798 - al scrîf Ellero – o sin in bon di cognossi la composizion dal capitâl (animâi e imprescj di lavôr) che a vevin i contadins di chel timp:
(No son ripuartâts i dâts di Bresse, metûts insiemit cun chei di Cjampfuarmit)
Rapuartant chescj numars cun chei dal catast napoleonic, si viôt che al jere un cjar ogni 40 etars e un bo ogni 16,5 etars.
Ma la miserie endemiche de planure furlane e dipendeve oltri che dal sclagn svilup agricul ancje dal fat che aes catastrofis naturâls bisugne zontâ i dams causâts di secui di scorsadis, vueris e fiscaments, ancjetant naturâi in cheste tiere tumiade.
Fin de fin dal diesim cuint secul difat, il Friûl al è tiere di concuiste pes invasions dai turcs che, penetrant traviers il plan carsic, a rivin cu lis lôr spaventosis scorsadis fin a Pontebe.
I turcs, nemîs di Vignesie, a vuelin frontâ la Serenissime no dome sul mâr ma ancje su la tiere ferme. Cussì, savoltant imburide lis difesis venezianis, a invadin il teritori furlan semenant dapardut distruzion e muart.
La invasion turche plui spaventose e je chê dal 1477, al conte un testemoni oculâr, che di Tarcint si viodeve "une uniche cortine di flamis largje dal jet dal Lusinç al Tiliment e no si viodeve nuie che nol fos fûc".
Intune gnot di Novembar dal stes an ancje Bresse e patìs la cjavalade e il fûc dai turcs, intant che Cjampfuarmit e Basandiele si salvin par meracul. Il terôr dal turc infedêl, restât a dilunc tal imagjinari popolâr, al parten duncje a une realtât crude e al implante lis lidrîs te memorie storiche, tai ricuarts spaventôs, vivûts pardabon de int dai piçui paîs de planure furlane.
Gjavât fûr di "Storia di Campoformido, Bressa e Basaldella del Cormor" di Zuanfranc Ellero.
O 'nt vin descrizions precisis e avilentis tes relazions che i lutignints a jerin tignûts a dâ dongje ae fin dal lôr mandât.
Il cuadri des cundizions di vite al è vonde lancurôs: i nobii no àn grandis ricjecis e il popul al è puar mindic.
Alvise Reiner tal 1723 al saponte ce tant dificil che al è fâ paiâ lis tassis par colpe dal "sterp naturâl di chê miserabile Provincie". La miserie e je ingriviade di une schirie di continuis montafins naturâi sicu i taramots, pestilencis, aluvions. Parfin il torint Cormôr, che fin in chê volte nol veve mai causât aluvions cuissà ce disastrosis, dal 1486 indevant al scomence a jessi une menace soredut par Basandiele pal impuartant aument de puartade des plenis.
La periculositât dal Cormôr si pant ai 12 di Dicembar dal 1719 cuant che, rompint i arzins, al sbridine i cjamps fin a Puçui, distirpant dutis lis colturis. Tal 1743 une instance di proviodiments urgjents e ven mandade dal comun di Basandiele dopo di un montafin causât dal disboscament cence sintiment che si meteve in at in chel timp par fâ front aes dibisugnis de marine veneziane.
La crisi dal setôr agricul e varès podût jessi disberdeade in curt se lis gnovis colturis de blave e de patate, impuartadis in Europe dopo la scuvierte des Americhis, a vessin incuintrât mancul resistencis te agricolture locâl. "Grazie a un censiment economic tal 1798 - al scrîf Ellero – o sin in bon di cognossi la composizion dal capitâl (animâi e imprescj di lavôr) che a vevin i contadins di chel timp:
| CJARS | CJAVAI | BÛS | |
| Basandiele | 24 | - | 53 |
| Cjampfuarmit | 30 | 6 | 79 |
(No son ripuartâts i dâts di Bresse, metûts insiemit cun chei di Cjampfuarmit)
Rapuartant chescj numars cun chei dal catast napoleonic, si viôt che al jere un cjar ogni 40 etars e un bo ogni 16,5 etars.
Ma la miserie endemiche de planure furlane e dipendeve oltri che dal sclagn svilup agricul ancje dal fat che aes catastrofis naturâls bisugne zontâ i dams causâts di secui di scorsadis, vueris e fiscaments, ancjetant naturâi in cheste tiere tumiade.
Fin de fin dal diesim cuint secul difat, il Friûl al è tiere di concuiste pes invasions dai turcs che, penetrant traviers il plan carsic, a rivin cu lis lôr spaventosis scorsadis fin a Pontebe.
I turcs, nemîs di Vignesie, a vuelin frontâ la Serenissime no dome sul mâr ma ancje su la tiere ferme. Cussì, savoltant imburide lis difesis venezianis, a invadin il teritori furlan semenant dapardut distruzion e muart.
La invasion turche plui spaventose e je chê dal 1477, al conte un testemoni oculâr, che di Tarcint si viodeve "une uniche cortine di flamis largje dal jet dal Lusinç al Tiliment e no si viodeve nuie che nol fos fûc".
Intune gnot di Novembar dal stes an ancje Bresse e patìs la cjavalade e il fûc dai turcs, intant che Cjampfuarmit e Basandiele si salvin par meracul. Il terôr dal turc infedêl, restât a dilunc tal imagjinari popolâr, al parten duncje a une realtât crude e al implante lis lidrîs te memorie storiche, tai ricuarts spaventôs, vivûts pardabon de int dai piçui paîs de planure furlane.
Gjavât fûr di "Storia di Campoformido, Bressa e Basaldella del Cormor" di Zuanfranc Ellero.
